Монгол Улсын Боловсролын яамны Дээд боловсролын газрын санаачилга, төрийн өмчийн их сургуулиудын хамтын ажиллагааны хүрээнд зохион байгуулж буй “ОЛОН УЛСЫН ШИНЖЛЭХ УХААНЫ МЭДЭЭЛЛИЙН САНГИЙН АШИГЛАЛТ, ТҮҮНИЙ САНХҮҮЖИЛТ, ҮР НӨЛӨӨГ НЭМЭГДҮҮЛЭХ АРГА ЗАМ” сэдэвт хэлэлцүүлэг амжилттай зохион байгуулагдлаа.
Энэхүү арга хэмжээнд Боловсролын яамны Дээд боловсролын газрын шинжээч Д.Баттогтох, мэргэжилтэн Э.Чойсүрэн, Эдийн засаг, хөгжлийн яамны Шинжлэх ухааны бодлого, төлөвлөлтийн хэлтсийн ахлах мэргэжилтэн Л.Мөнхтуяа, ахлах мэргэжилтэн Б.Туул, Шинжлэх ухаан технологийн сангийн захирал Э.Энхпүрэв, Шинжлэх ухаан, технологийн сангийн Мэдээллийн сан, маркетингийн хэлтсийн дарга Л.Тогтохбуян, Монголын номын сангуудын консорциумын удирдах зөвлөлийн дарга Л.Гантулга, Төрийн 6 их сургуулийн Ректорууд, Эрдэм шинжилгээ, судалгаа хариуцсан проректорууд, хувийн хэвшлийн их, дээд сургуулийн төлөөлөл, Их дээд сургуулиудын номын сангуудын захирал, багш, ажилтнууд зэрэг 22 байгууллагын 70 гаруй төлөөлөл оролцсон байна.
Хэлэлцүүлгийг Шинжлэх Ухаан, Технологийн Их Сургуулийн Ректор Т.Намнан нээж үг хэллээ.
Үндсэн илтгэгчээр:
Хэлэлцүүлгийг Шинжлэх ухаан, технологийн их сургуулийн Эрдэм шинжилгээ, инновац эрхэлсэн проректор Д.Цолмонбаатар удирдаж “Олон улсын шинжлэх ухааны мэдээллийн сангийн ашиглалт, түүний санхүүжилт, үр нөлөөг нэмэгдүүлэх арга зам” сэдвийн хүрээнд Боловсролын яам, Эдийн засаг, хөгжлийн яамны төлөөлөл, Шинжлэх ухаан технологийн сангийн удирдлага, Их сургуулиудын эрдэм шинжилгээ, судалгаа хариуцсан проректорууд, номын сангийн зарим удирдлагууд санал солилцсон нь чухал ач холбогдолтой байлаа.
Хэлэлцүүлгээс гарсан санал, зөвлөмжийг нэгтгэн боловсруулж, холбогдох төрийн байгууллага болон их, дээд сургуулиудад хүргүүлэхээр шийдвэрлэлээ.
Зохион байгуулагч.
ШИНЖЛЭХ УХААН, ТЕХНОЛОГИЙН ИХ СУРГУУЛЬ
Хамтран зохион байгуулагч:
МОНГОЛ УЛСЫН ИХ СУРГУУЛЬ
АНАГААХЫН ШИНЖЛЭХ УХААНЫ ҮНДЭСНИЙ ИХ СУРГУУЛЬ
МОНГОЛ УЛСЫН БОЛОВСРОЛЫН ИХ СУРГУУЛЬ
ХӨДӨӨ АХ АХУЙН ИХ СУРГУУЛЬ
СОЁЛ УРЛАГЫН ИХ СУРГУУЛЬ
“ГАЗРЫН ТОСНЫ БОЛОВСРУУЛАЛТЫН ТЕХНОЛОГИ” бакалаврын 2+2 хамтарсан хөтөлбөрийн гэрээ байгууллаа.
“Нэг бүс нэг зам” хил дамнасан ухаалаг тээвэр, автомат жолоодлогын тээврийн хэрэгсэл, ногоон, түгжрэлгүй хот хамтарсан лаборатори байгуулна
“Олон улсын шинжлэх ухааны мэдээллийн сангийн ашиглалт, түүний санхүүжилт, үр нөлөөг нэмэгдүүлэх арга зам” сэдэвт хэлэлцүүлэг зохион байгуулагдлаа
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
